شعر : خالد قائد صالح
واجتمعنا ارتوت منك عيوني ومعك قلبي تهنى
بعد نار الشوق لكن ماياسنا
والا ايدك لما لامست ايدي برقه
صافحت قلبي ودق مليون دقه
دق قلبي من فرح
دق قلبي وانشرح
ساعة اللقيا رقص قلبي وغنى
ايش هذا السحر اللي في عيونك
ايش هذا النور اللي في جبينك
ايش في النظرات من الغاز ومعنى
ايش هذا النحت اللي في قوامك
ايش هذا العزف في روعة كلامك
ايش هذا الشعر يفهم بابتسامك
ايش من شيطان يكتب لك قصائد تتغنى
انتي يا الهام عشقي رغم عني
مابيدي غير اني لك اصيغ في الحب لحني
من اغاني الحب تترجم غرام عنك وعني
حتى لو قلنا عشقنا ما كذبنا
