(محلل سياسي)

عباس ناصر مسعود

امس فاجئني حماسه
خفت لايفتر حماسي
في زمن فيه النخاسة
اثمرت مبدا نخاسي
امتدح قصر الرئاسة
يصدر الامر الرئاسي
حتى لو ماشي فراسة
يدري وين الوضع راسي
وصاحبي ماشي براسه
امس شيب لي براسي
ميك قدامه وماسة
وابتدا يلقي التماسي
شفته اذهلني لباسه
كنت بطلع من لباسي
قلت ايش اشتد باسه
او انا ذي انهد باسي
لوطلع له في وناسة
وانحرج بيقول ناسي
لكن اتجاوز قياسه
في زمن فعلا قياسي
في الحدث ثبت اساسه
في الحصاد اصبح اساسي
ناقصين احنا مآسه
فوق مامعنا مآسي
احمق ايام الدراسة
ابلة الفصل الدراسي
صار يفقه في السياسة
يشرح الوضع السياسي
واصبحت عنده حراسة
في زمن رخص الكراسي
تدروا ايش الانتكاسة
في الزمان الانتكاسي
ان ذي يمدح مداسه
مامعه سابع اساسي