عبده الساحر
إحتفظ بي ياحياتي في جفونك
وإعتبرني داخل الكون الوحيد
وابعد اوهامك ولا تتبع ظنونك
أوتصدق شك ينقص أو يزيد
لا تطاوع في الهوى ذي يحسدونك
دمت في الشريان ساكن والوريد
قصدهم لاغير عني يبعدونك
ياجعل غيرك عن عيوني بعيد
وجعل تعمى العين لو ترضى بدونك
والفنا للروح لو غيرك تريد
بس جاوبني عسى ربي يصونك
ياعطش روحي ويا ماء المريد
ليه لما خاطبك وحيك يخونك؟
وانت عندي ملهم الوحي الفريد
وكيف تمطر خارج اوطاني مزونك
وانت همسك لي مطر في يوم عيد!
لاتصدق ذي يقولوا لك يبونك
مايبونك قدر مانا لك اريد
اينما يممت وجهي الكون كونك
كن طيفك ساكن الكون الوحيد
داء قلبي والدوا ضحكة عيونك
كلما داويه بك يطلب مزيد
وبين رسمك والعذوبة في لحونك
صار واقسم لك قسم اول شهيد
روح لوحات الهوى تخضع للونك
ونوتة الأنغام بس لحنك تجيد
ترسمك هذي فرح يوصف شجونك
وتعزفك هذي امل باروع نشيد
والحروف الباذخة تسكب متونك
قاف كالبسمات عا ثغر الوليد
نهرها ينداح موجه من هتونك
ونحلها يشرب عبيرك يالعميد
وموهبات الذوق فيها بايعونك:
عشق متسلطن على عرش القصيد
