الساحر الجحافي
سنين في ليلي وكامل نهاري
لو غاب همسك عن مداري توحيت
مثل الامل تنساب في كل طاري
ومثل نور الفجر… لو غبت شعيت ؟
سنين في روحي جروحي اداري
وآفي..ومخلص.. لك وصادق تمنيت
ودون غيد الكون كنت اختياري
ولك سنا حرفي بنى داخلي بيت
و دون وردالكون كنت انبهاري
تفوح فيني كلما اصبحت وامسيت
سنين لو غمضت عيني تماري
ولو طلبني العقل انساك عييت
كن الهوى …مولود داخل دياري
والناس ماحبوا !! ونا بس حبيت ؟
ماحد أحبك مثلنا وانت داري
وانته ولا قدرت حبي وحسيت
صحيح حبيتك وكنت اختياري
كان الامل نسكن مع الحب في بيت
لكن طبعك ياعزيزي سفاري
على مزاجك حيثما حل حليت
وآنا بطبعي سلطنة في مداري
ثآبت على مبدأ ثباتي تربيت
إشتقت بَسْ لَن الكرامة خياري
أعليتها فوق إشتياقي وصديت
كُسِرت لكن دُست فوق إنكساري
كفنت حُزني في عيوني وِقفيت
أقطع طريقي ساري الليل ساري
وكُلَّّما صادفت شوقي تِعدّيت
وبين فردوس المذلة وناري
يمَّمت وجهي نحو ناري وِصَلِّيت
وَجَع يترجِم عزَّتي وإفتخاري
ولا محبة اهُتنت فيهاوذلّيت
قل : بعد ما قد كنت ديري وداري
وبعد ماقد طفت حولك ولبيت
و بعدما صيرت همسك مزاري
ووسط محرابك لعينيك صليت
هل بايداوي الجرح طب الطواري ؟
أو انني مجروح مهما تداويت؟
جآوب ترى من يوم ماجيت شاري
مابعت..اوساومت..او خنت..واخطيت:
تقدر تعيش من دون بثي الحراري
أو إنني وحدي بحبي تماديت ؟
جاوب..وغآدر من مجال انتشاري
مادُمت عاقلبي بفعلك!! تعديت
ودمت حطيتك بسنتر شعاري
وإنته حسافه عن شعاري تخليت
رميتني بالسهم بس انتشاري
والحب والاخلاق قالوا لك: اخطيت
ورغم جرحي والالم وانشطاري
ما دن راسي من الم او توطيت
الحب والاخلاق شلت بثاري
غالي ومن حقي ترى لو تغليت
انا جعلت احساس روحي دثاري
وانته شطرت احساس روحك وشقيت
كنت الملك.. واخترت درب الجواري
وآنا فقط ايدت فعلك ولبيت
وقلت لك: غادر بمحض اختياري
مادُمت عاقلبي بفعلك!! تعديت
بنساك واكتب بيت عاباب داري
فحواه:- إحسب إنني قد توفيت
هذي خلاصتها وهذا قراري
أنا الذي في مذبح الحب سمّيت
قرار وانته: من جعلته اضطراري
وآنا الذي لا قلت: قرت..سويت
ملزم توقع عابنود انتصاري
مهما ارتفع صوتك وكذبت وانفيت