الساحر الجحافي
على طاري سواليفك وفنك والحلا والذوق
وعادرب القصيد اللي على شانك تهجيته
حرير الحرف طرزته بلومي والوجع والشوق
وعا إيميلك المغلق بعثته واستهليته
بآهاتي..وأناتي..وحزني.. والضنى..والتوق
وبالعهد الذي صنته…أنا وإنته تناسيته
تناسيته ونا ذاكر..لذا من خافقي المحروق
غرفت إحساسي الموجع وفي كلمات صبيته
وترجمته إلى نوتة عتب تصلح لجيدك طوق
وفي لحظة تسامي روح لحنته وغنيته
نغم موال يتماهى بذكرى حلمي المسروق
ويكتب عاوجوه الغيم أروع سر خبيته
يقول: إسمك على صدري نحته يالغلا برفوق
تخيل ليييه ذاك الإسم قرب القلب حطيته ؟؟
مرادي تسمع النبضة غروب إشموسها وشروق
تسجل : لو تعداني.. حبيبي ماتعديته
على موجات ارساله فؤادي ينشرح ويروق
وريموت التحكم بالمشاعر ليه اهديته
قسم بالله ماغيره بدستور الهوى موثوق
ولا غيره بدستور الهوى باخلاص لبيته
