كريتر. نت .. وكالات
كشفت الفنانة المغربية بسمة بوسيل عن السبب الحقيقي وراء انفصالها عن الفنان المصري تامر حسني، وألمحت إلى أن سبب الانفصال يعود إلى مديرة أعمال تامر حسني، هالة عمر.
وفي منشورها عبر خاصية “الاستوري” على حسابها الرسمي، نشرت بسمة بوسيل صورة لطليقها مع مديرة أعماله هالة عمر، وكانت هذه الصورة من حفل زفاف هالة عمر، وعلقت بسمة قائلة: “حسبي الله ونعم الوكيل فيكي يا هالة”.
وتابعت بسمة بوسيل بالقول: “احترام العشرة بيبتدي باحترام مشاعر غيرك.. بالذات لو حد كان سبب رئيسي في خراب بيتك وهدم حياة ولادك”.
الأمر الذي دفع بسمة بوسيل، طليقة الفنان تامر حسني، لتخرج عن صمتها هو نشر الفنان تامر حسني فيديو عبر حسابه الشخصي على انستجرام من حفل زفاف هالة عمر مديرة أعماله.
وعلق تامر حسني على الفيديو:”لـ كل اللي بيسأل عن وجة القرابة بيني وبين العروسة الجميلة دي، شايف اسئلة كتير أنا هحكيلكوا، هي اسمها هاله عمر عرفتها كانت بنت من الفانز صغيرة ومن المقاتلين والمدافعين عن تامر على الإنترنت، ومن كتر دفاعها عني لفتت نظري ومرة رديت عليها شكرتها”.
وتابع حسني:”لما سافرت إسكندرية في الوقت ده لقيت بنت صغيرة اوي بتعيط وبتجري عليا فا وقفتلها وفكرتني بنفسها وفضلت تعيط وتقولي احنا معاك ولازم تكمل، عشان كنت بتحارب جدًا في بداياتي فاتصدمت إن اللي بتقول كده بنت صغيره كده والمجهود ده كله اللي عاملاه بنت صغيره عندها 14 سنة”.
وأضاف حسني: “وقتها كانت السوشيال ميديا لسه بتطلع.. وكنا في شركتنا بندور على شركة كبيرة تمسكلي السوشيال ميديا، لحد ما قولتلهم أنا مش عايز شركة كبيرة أنا عايز البنت الصغيرة دي هي اللي تمسكها فضلوا يقنعوني أن كده مش صح ولازم أكتر حد خبره يمسكها، وأنا قولت لا لازم أكتر حد بيحبني هو اللي يمسكها وأنا واثق أن طاقة الحب مفعولها أقوى من طاقة المحترف بلا حب”.
واستكمل:”فعرضت عليها تشتغل معايا وهي في السن ده مصدقتش طبعًا ومن ساعتها وهي اللي ماسكه كل شغل الميديا الطفلة الشاطرة اللي كبرت دلوقتي قدامكم هاله عمر، أما بقى عريسها العسل ده اسمه عمرو طلب أديها مني أنا عشان والدها ووالدتها توفاهم الله”.
واختتم تامر حسني:”ومن اللحظه دي اتحولت هالة لبنتي الكبيرة بجد.. اللي بتتجوز دلوقتي قدامي وبسلمها لعريسها بنفسي وبغني في فرحها، معرفتش أرد على كلامك عني في الفرح يا هالة رديت دلوقتي هنا ربنا يكرمك ويسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع أولادكم الجُمال بإذن الله”.
